Ավիաընկերություններից շատերը թույլ են տալիս փոխադրել միայն կատուներ և շներ: Կախված չափսից՝ կենդանու արկղը կարող է փոխադրվել օդանավի սրահում կամ օդանավի բեռնախցիկում:
Եթե նախատեսում եք ճանապարհորդել ձեր կենդանու հետ, խնդրում ենք տեղեկացնել մեր Հաճախորդների սպասարկման կենտրոնին ամրագրումից հետո, սակայն նախքան վճարում կատարելը: Մենք կապ կհաստատենք ավիաընկերության հետ և կհամոզվենք՝ արդյոք դա հնարավոր է, ինչպես նաև կտեղեկանանք նմանատիպ փոխադրման պայմանների վերաբերյալ:
Հաշվառման և մաքսային զննման ժամանակ խնդրում ենք պատրաստ լինել ցույց տալու կենդանու վկայականը, որը պահանջվում է մեկնման կետ հանդիսացող, տարանցիկ և վերջնական կետ հանդիսացող երկրների օրենսդրությամբ: Պահանջվող փաստաթղթերի ցուցակը ստանալու համար խնդրում ենք կապ հաստատել տվյալ պետության հյուպատոսարանի հետ:
Ուղեցույց շները, դնչակալով, տեղափոխվում են օդանավի սրահում առանց հավելավճարի: Շան սեփականատերը պետք է ունենա փաստաթուղթ, որը հավաստում է կենդանու հատուկ պատրաստվածությունը: Ավիաընկերությունը կարող է մերժել այն ուղևորի նստեցումը, ով նախապես համաձայնության չի եկել կենդանու փոխադրման վերաբերյալ: